Tere Siwa Kya Janay Koi Dil Ki Haalat Rabba,
Saamnay Tere Guzri Mujh Par Kesi Qayamat Rabba,
Main Woh Kis Tarah Se KaroOn Bayaan,
Jo Kiye Gaye Hein Sitam Yahan,
Sunay Koun Meri Ye Daastan,
Jo Tha JhoOt Woh Bana Sach Yahan,
Nahi Kholi Main Ne MaGar Zuban,
Ye Akela Pan, Ye Udaasiyan,
Mere Dard Ki Hein Tarjumaa,
Meri Zaat Zarra-e-Bay Nishan ..
Kabhi SoOni Subah Mein GhoOmna,
Kabhi Ujri Shaamon Ko Dekhna,
Kabhi BheeGi Ankhon Se JaaGna,
Kabhi Beetay Lamhon Ko Sochna,
MaGar Aik Pal Hei Umeed Ka,
Hei Mujhay Khuda Ka Jo Aasra,
Na He Main Ne Koi Gila Kiya,
Na He Main Ne Di Hein Duhaaiyan,
Meri Zaat Zarra-e-Bay Nishan ..
Main BatoOn Kya Mujhay Kya Milay,
Mujhay Sabar Ka He Sila Milay,
Kisi AaGahi Ki Rida Milay,
Kisi Gham Ki Dil Mein JaGah Milay,
Jo Mera Hei Woh Mujhay Aa Milay,
Rahay Shaad YoOnhi Mera Jahaan,
K YaQeen Mein Badlay Mera Gumaan,
Meri Zaat Zarra-e-Bay Nishan ..
Meri Zaat Zarra-e-Bay Nishan ..